5 ملايين دولار يوميًا أرباح هاكرز من إعلانات مزيفة

أحد Digital Media Channels الأساسية هي الإعلانات من خلال المواقع  والناشرين Portals Advertising واللي بيبقى عندهم حجم كبير من المستخدمين أو شرائح معينة بتهم البراندات للوصول ليها بشكل Mass، وبيكون الهدف الأساسي (الغالب) وراء النوع ده من الإعلانات هو تعريف المستخدمين بالبراند creating awareness أوالترويج للعروض والمنتجات الجديدة. فتخيل معايا إن الإعلان بتاعك اللي بيشوفه 10 مليون شخص .. مشافهوش ولا شخص! ، لإن أصلًا الموقع ده معلهوش بني آدمين! .. تعالوا أعرفكم على عملية Methbot.

مجموعه من الهاكرز الروس اسمهم AFT13 قدروا إنهم يكسبوا حوالي 3-5 مليون دولار يوميًا من إعلانات البراندات الكبيرة و شركات الدعاية فى أمريكا فى أكبر عمليه نصب اتعملت فى تاريخ Digital Ads !

شركة White Ops  قدرت تكشف حمله نصب سموها Methbot وهى عباره عن مجموعه من الأجهزه بتزوّر video ad impressions. الشركة اكتشفت ان Methbot  انتحلوا شخصيات مواقع كأنها حقيقية وليها مخزون إعلانات inventory وهي مش موجودة أصلًا ولا ليها مستخدمين، فقدروا بيزوّر فى اليوم الواحد من 200-300 مليون video impression  ، واستهدفوا أكتر من 6000 موقع و ناشر ، ونتيجة لكدة قدروا يحققوا منهم من 3-5 مليون دولار فى اليوم باستخدام 800-1200 سيرفر فى أمريكا وهولندا بمعدل سعر لل CPM 13.04 دولار.

والعملية مكنتش بسيطة ولا ساذجة .. ده الهاكرز استخدموا وسائل كتيره علشان ميتكشفوش زى انهم يزوّروا حركه الماوس وضغطاته وكمان عملوا متصفح وهمى بيدعم الفلاش

المقال من المصدر
- اعلانجى